၂၀၂၀ ခုနှစ် ဇူလိုင်လ ၂၈ ရက်နေ့တွင် ကျရောက်သည့် ထိုင်းဘုရင်မင်းမြတ်၏ သက်တော် ၆၈ နှစ်ပြည့် မွေးနေ့ဆုတောင်းပွဲ အခမ်းအနားကို သျှမ်းပြည်ပြန်လည်ထူထောင်ရေးကောင်စီ RCSS ဗဟိုဌာနချုပ် လွယ်တိုင်းလျဲန်းတွင် ပြုလုပ်ကျင်းပခဲ့ကြောင်း သတင်းရရှိသည်။
ထိုင်းဘုရင်မင်းမြတ်မွေးနေ့ဆုတောင်းပွဲ အခမ်းအနားအား RCSS ဒုတိယ ဥက္ကဋ္ဌ-၁ ဒုဗိုလ်ချုပ်ကြီး စိုင်းယီ ၊ ဒုတိယ ဥက္ကဋ္ဌ-၂ ဗိုလ်ချုပ် ခေးငင်း ၊ RCSS/SSA ဌာနဆိုင်ရာအကြီးအကဲများ ၊ ရပ်မိရပ်ဖများ ၊ သျှမ်းအမျိုးသားကျောင်းတွင် ပညာသင်ကြားနေသည့် ကျောင်းသားကျောင်းသူများ နှင့် RCSS/SSA တပ်သားများတို့ တက်ရောက်ခဲ့ကြောင်း သိရှိရသည်။
အခမ်းအနားအစီအစဥ်အရ RCSS ဒုတိယ ဥက္ကဋ္ဌ-၁ ဒုဗိုလ်ချုပ်ကြီး စိုင်းယီမှ ထိုင်းဘုရင်မင်းမြတ်၏ မွေးနေ့အား ဆုတောင်းစကားဖြင့် မီးထွန်းဆုတောင်းပေးပြီး စတုတီ စွမ်ရာဇာ သီချင်းဖွင့်၍ ထိုင်းဘုရင်မင်းမြတ်အား အလေးပြုခဲ့ပါသည်။
![](https://i0.wp.com/burmese.taifreedom.com/wp-content/uploads/2020/07/109339438_1945430295592236_3283553352118110975_o.jpg?resize=696%2C377&ssl=1)
ထို့နောက် အခမ်းအနားတက်ရောက်လာကြသော ဧည့်ပရိတ်သတ်များမှ အတူတကွ ကောင်းမှုကုသိုလ်ပြုလုပ်ပြီး RCSS ဒုတိယ ဥက္ကဋ္ဌ-၁ ဒုဗိုလ်ချုပ်ကြီး စိုင်းယီ ၊ ဒုတိယ ဥက္ကဋ္ဌ-၂ ဗိုလ်ချုပ် ခေးငင်း ၊ RCSS/SSA ဌာနဆိုင်ရာအကြီးအကဲများမှ အခမ်းအနားအထိမ်းအမှတ်အဖြစ် အတူတကွ အမှတ်တရ ဓါတ်ပုံရိုက်ကာ ထိုင်းဘုရင်မင်းမြတ်မွေးနေ့ဆုတောင်းပွဲ အခမ်းအနားအား အောင်မြင်ပြီးမြောက်စွာ ကျင်းပနိုင်ခဲ့ကြောင်း သိရှိရသည်။
Taifreedom