ကျားဖြူပါတီ၏လုပ်ရပ်အား သျှမ်းလူငယ်အဖွဲ့အစည်းများ ၊ သျှမ်းတိုင်းရင်းသားများ စာပေနှင့် ယဥ်ကျေးမှုကော်မတီများမှ ကန့်ကွက်ရှုတ်ချကြောင်း သဘောထားထုတ်ပြန်

အာဏာသိမ်းစစ်ကောင်စီဖွဲ့စည်းထားသည့် ပြည်ထောင်စုရွေးကောက်ပွဲကော်မရှင်(UEC)မှ ပြုလုပ်ကျင်းပသည့် အစည်းအဝေးသို့ တက်ရောက်ခဲ့သည့် ရှမ်းတိုင်းရင်းသားများဒီမိုကရက်တစ်ပါတီ (သို့) ကျားဖြူပါတီး ( SNDP ) ၏ လုပ်ဆောင်ချက်များနှင့် ပတ်သက်၍ သျှမ်းလူငယ်အဖွဲ့အစည်းများ ၊ သျှမ်းတိုင်းရင်းသားများ စာပေနှင့် ယဥ်ကျေးမှုကော်မတီများမှ ကန့်ကွက်ရှုတ်ချကြောင်း သဘောထားထုတ်ပြန်ကြေညာခဲ့ကြောင်း သတင်းရရှိသည်။

သဘောထားထုတ်ပြန်ကြေညာချက်အား ၂၀၂၁ ခုနှစ် ဖေဖော်ဝါရီလ ၂၈ ရက်နေ့ရက်စွဲဖြင့် ထုတ်ပြန်ကြောညာခဲ့ပြီး တစ်နိုင်ငံလုံးအတိုင်းအတာဖြင့် စစ်အာဏာရှင်အား ဆန့်ကျင်ဆန္ဒပြမှုများ ၊ ပြည်သူ့ဝန်ထမ်းများမှ (CDM) ပြုလုပ်နေစဥ် ရှမ်းတိုင်ရင်းသားများဒီမိုကရက်တစ်ပါတီ(သို့) ကျားဖြူပါတီ (SNDP) အနေဖြင့် ၎င်းတို့၏ စိတ်သဘောဆန္ဒဖြင့် အာဏာသိမ်းစစ်ကောင်စီမှဖွဲ့စည်းထားသည့် ပြည်ထောင်စုရွေးကောက်ပွဲကော်မရှင် (UEC) အစည်းအဝေးသို့ တက်ရောက်ခြင်းသည် စစ်အာဏာသိမ်းခြင်းအား အသိအမှတ်ပြုရာကောက်သည်ဟု ရေးသားထားပါသည်။

ဆက်လက်၍ ၂၀၁၅ ခုနှစ် ရွေးကောက်ပွဲတွင်လည်းကောင်း ၊ ၂၀၂၀ ခုနှစ် ရွေးကောက်ပွဲတွင်လည်းကောင်း ရှမ်းတိုင်ရင်းသားများဒီမိုကရက်တစ်ပါတီ(သို့) ကျားဖြူပါတီ (SNDP) သည် ပြည်နယ်လွတ်တော်ကိုယ်စားလှယ် တစ်နေရာသာ အနိုင်ရရှိခဲ့ပြီး (UEC) အစည်းအဝေးသို့တက်ရောက်ခြင်းသည် မိမိတို့၏ သျှမ်းတိုင်းရင်းသား မိဘပြည်သူများအား လုံးဝကိုယ်စားမပြုကြောင်း နှင့်  ရှမ်းတိုင်ရင်းသားများဒီမိုကရက်တစ်ပါတီ(သို့) ကျားဖြူပါတီ (SNDP)၏ လုပ်ရပ်များသည် သျှမ်းတိုင်းရင်းသားများနှင့် သျှမ်းပြည်သူ/ပြည်သားများအား စော်ကားလိုက်ခြင်းသာဖြစ်သောကြောင့် ၎င်းလုပ်ရပ်များအား ပြင်းပြင်းထန်ထန်ကန့်ကွက်ရှုတ်ချကြောင်း သျှမ်းလူငယ်အဖွဲ့အစည်းများ ၊ သျှမ်းတိုင်းရင်းသားများ စာပေနှင့် ယဥ်ကျေးမှုကော်မတီများစုစုပေါင်း အဖွဲ့အစည်း ၁၀ ဖွဲ့မှ သဘောထားထုတ်ပြန်ကြေညာခဲ့ပါသည်။

ကန့်ကွက်ရှုတ်ချကြောင်း သဘောထားထုတ်ပြန်ကြေညာခဲ့သည့် သျှမ်းလူငယ်အဖွဲ့အစည်းများ ၊ သျှမ်းတိုင်းရင်းသားများ စာပေနှင့် ယဥ်ကျေးမှုကော်မတီများမှာ မြန်မာနိုင်ငံလုံးဆိုင်ရာ ရှမ်းလူငယ်ကွန်ရက် (TYN) ၊ သျှမ်းလူငယ်အဖွဲ့ (TYO) ၊ ထိုင်းနိုင်ငံ – ရှမ်းတိုင်းရင်းသားများအသင်း (TNC)၊ သျှမ်းကျန်းမာရေးမိသားစု (Tai Medical Family) ၊ သျှမ်းတိုင်းရင်းသားများ စာပေနှင့်ယဥ်ကျေးမှုကော်မတီ တက္ကသိုလ်များ – ပင်လုံ ၊ သျှမ်းတိုင်းရင်းသားများ စာပေနှင့်ယဥ်ကျေးမှုကော်မတီ တက္ကသိုလ်များ – ရန်ကုန် ၊ သျှမ်းတိုင်းရင်းသားများ စာပေနှင့်ယဥ်ကျေးမှုကော်မတီ တက္ကသိုလ်များ – မန္တလေး ၊ သျှမ်းတိုင်းရင်းသားများ စာပေနှင့်ယဥ်ကျေးမှုကော်မတီ တက္ကသိုလ်များ – မိုးညှင်း ၊ သျှမ်းတိုင်းရင်းသားများ စာပေနှင့်ယဥ်ကျေးမှုကော်မတီ တက္ကသိုလ်များ – တောင်ကြီး နှင့် သျှမ်းတိုင်းရင်းသားများ စာပေနှင့်ယဥ်ကျေးမှုကော်မတီ တက္ကသိုလ်များ – ကျိုင်းတုံစသည့်အဖွဲ့အစည်းတို့ ဖြစ်ပါသည်။

အာဏာသိမ်းစစ်ကောင်စီဖွဲ့စည်းထားသည့် ပြည်ထောင်စုရွေးကောက်ပွဲကော်မရှင်(UEC)မှ ပြုလုပ်ကျင်းပသည့်တွေ့ဆုံပွဲအား ၂၀၂၁ ခုနှစ် ဖေဖော်ဝါရီလ ၂၆ ရက်နေ့ နေပြည်တော်ရှိ ပြည်ထောင်စုရေါးကောက်ပွဲကော်မရှင်ရုံးတွင် ပြုလုပ်ကျင်းပခဲ့ပြီး ရှမ်းတိုင်ရင်းသားများဒီမိုကရက်တစ်ပါတီ(သို့) ကျားဖြူပါတီ (SNDP)အပါအဝင် နိုင်ငံရေးပါတီစုစုပေါင်း ၅၃ ပါတီတက်ရောက်ခဲ့ပြီး ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) အပါအဝင် နိုင်ငံရေးပါတီ စုစုပေါင်း ၃၈ ပါတီ တက်ရောက်မှုမရှိကြောင်း သိရှိရပါသည်။

Taifreedom